Telcell Wallet-ում հնարավոր է վարկ ստանալ մի քանի հպումով

 

 

Telcell Wallet-ի նույնականացված օգտատերերին արդեն հասանելի է Global Credit-ի վարկի ստացումը անմիջապես էլ․դրամապանակի հաշվին։

 

Վարկը տրամադրվում է մի քանի վայրկյանում՝ 6 000 - 100 000 ՀՀ դրամ սահմանաչափով, 12 ամիս ժամկետով, նախապես ստուգելով օգտատիրոջ վարկային պատմությունը: Անհրաժեշտ է ունենալ նաև դրամապանակին կցված էլ. հասցե։

 

Ստացած գումարը հնարավոր է օգտագործել հենց Telcell Wallet-ում՝ կատարելով փոխանցումներ, վճարումներ ու գնումներ:

 

Global Credit-ը սահմանել է վարկի տրամադրման հետևյալ պայմանները․

 

 

• տարեկան անվանական տոկոսադրույքը՝ 0%,

• օրական սպասարկման վճարի չափը՝ վարկի մնացորդային գումարի 0․5%,

• տարեկան փաստացի տոկոսադրույքը՝ 446.65%,

• վարկի ժամկետը՝ 12 ամիս,

• վարկի մարումը՝ ժամկետի վերջում,

• սպասարկման վճարների մարումը՝ ամսական,

• վարկառուի տարիքը՝ 25-55 տարեկան։

 

Իսկ վարկի ամսավճարը մարելիս ուղղակի պետք է Telcell Wallet-ում փնտրել Գլոբալ Կրեդիտ ու մուտքագրել պայմանագրի համարը:

 

«Telcell Wallet-ում ստեղծել ենք ևս մեկ առավելություն՝ վարկ ստանալ 24/7 ռեժիմով անգամ տանը, աշխատավայրում կամ խանութում գնում կատարելիս: Այս պրոդուկտի մշակման համար կիրառել ենք տեխնիկական այնպիսի լուծումներ, որոնք հնարավորություն են տալիս ազատվել բարդ թղթաբանությունից ու ֆինանսները կառավարել սեփական սմարթֆոնից:»,- նշեց «Թել-Սել» ընկերության ՏՏ տնօրեն Իրինա Գասպարյանը:

 

«Ստեղծելով այս պրոդուկտը՝ նպատակ ունենք դառնալ հաճախորդի ֆինանսական ընկերը, լինել հասանելի ցանկացած իրավիճակում, ցանկացած կարճաժամկետ հարցի լուծման պարագայում»,- նշեց Գլոբալ Կրեդիտի Մանրածախ բիզնեսի զարգացման գծով ղեկավար Հայկ Քոչարովը: