060 272222

Կարիերա

 

Telcell-ը թիմերի ընտանիք է, և մենք հաջողում ու հաղթում ենք որպես թիմ:

 

Մենք սիրով ենք ընդունում մեր նոր թիմակիցներին, քանզի գիտենք՝ նրանցից յուրաքանչյուրը բերելու է յուրովի փորձառություն ու եզակի գաղափարներ, որոնք մեզ օգնելու են մեր ծառայությունների բազմազանության ու հաճախորդների կարիքների իրացման գործում:

 

Ամենօրյա գործունեության լայն սպեկտրում մենք պահպանում ենք ընկերության ներսում ձևավորված աշխատանքային առողջ մթնոլորտն ու թիմերի արժեքավոր փոխհարաբերությունները։ Մեր ներկա աշխատակիցները վստահաբար կոգեշնչեն Ձեզ՝ Telcell-ում սկսելու Ձեր կարիերան, քանի որ նրանք շատ լավ գիտեն կրտսերից ավագ գործընկեր տանող ճանապարհը:

 

Անհատականություն. ահա ում ենք մենք փնտրում, մնացեք այդպիսին:

 

Միացեք մեզ, եթե կարծում եք, որ հայտարարված հաստիքը հենց Ձեզ համար է։

 

Կարիերային առնչվող հարցեր կարող եք ուղղել [email protected] էլեկտրոնային հասցեով։

 

 

ՊԱՇՏՈՆ` Վաճառքի և շուկայի զարգացման բաժնի ղեկավար

ԱՇԽԱՏԱՆՔԻ ՏԵՍԱԿԸ` Մեկ լրիվ դրույք  

ՏԵՎՈՂՈՒԹՅՈՒՆ` Մշտական    

ՎԱՅՐ` Երևան 

 

ԱՇԽԱՏԱՆՔԻ ՆԿԱՐԱԳՐՈՒԹՅՈՒՆ`

 

Վաճառքի և շուկայի զարգացման բաժնի ղեկավարը պատասխանատու է Ընկերության ծառայությունների իրացման ռազմավարության մշակման ու իրագործման համար՝ և՛ B2B, և՛ B2C հատվածներում։ Նա ղեկավարելու է Վաճառքի և շուկայի զարգացման բաժնի աշխատանքը, հաշվետու է լինելու Ընկերության Թվային պրոդուկտների և ծառայությունների զարգացման տնօրենին։

 

ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ`

 

  • մշակել, զարգացնել և իրականացնել B2B և B2C հատվածներում Ընկերության ծառայությունների վաճառքի ռազմավարությունը,
  • մշակել ու իրականացնել Ընկերության վաճառքի և շուկայի զարգացման քաղաքականությունը առցանց և անցանց տիրույթներում՝ արդյունավետ օգտագործելով վաճառքի անհրաժեշտ ուղիները,
  • մշակել վաճառքի պլաններ և վերահսկել դրանց կատարումը,
  • իրականացնել վաճառքի ռազմավարական վերլուծություն ու պլանավորում և կազմել հաշվետվություններ,
  • իրականացնել Վաճառքի և շուկայի զարգացման բաժնի օպերատիվ կառավարում,
  • իրականացնել մրցակիցների գործունեության համեմատական վերլուծություն՝
  • առանցքային պահերի հաշվառմամբ,
  • անհրաժեշտության դեպքում մասնակցել բաժնի անձնակազմի համալրման գործընթացին, կազմակերպել և ուղղորդել  նոր աշխատակիցների աշխատանքը,
  • սահմանել թվային KPI-ներ` ողջ բաժնի համար, ու հետևել դրանց իրացմանը,
  • հետևել ոլորտային նորամուծություններին, միտումերին՝ լավագույն փորձը գտնելու և տեղայնացնելու նպատակով,
  • աշխատել այլ բաժինների ղեկավարների հետ hամագործակցաբար,
  • անհրաժեշտության դեպքում ստանձնել օրենքներով և ներքին կանոնակարգերով նախատեսված այլ պարտավորություններ:

ԱՆՀՐԱԺԵՇՏ ՀՄՏՈՒԹՅՈՒՆՆԵՐ ԵՎ ՈՐԱԿԱՎՈՐՈՒՄՆԵՐ`

 

  • բիզնեսի կառավարման կամ հարակից ոլորտների բակալավրի կամ մագիստրոսի որակավորում,
  • B2B և B2C վաճառքի մոդելների իմացություն,
  • առցանց և անցանց տիրույթներում վաճառքի իրականացման փորձառություն,
  • մասնագիտական աշխատանքի առնվազն 3-4 տարվա փորձ,
  • նման պաշտոնի վարման առնվազն 2 տարվա փորձ,
  • հայերեն, ռուսերեն և անգլերեն լեզուների գրավոր ու բանավոր խոսքի տիրապետում,
  • համակարգչային գրագիտություն,
  • ժամանակային սուղ պայմաններում միաժամանակ մի քանի ուղղությամբ աշխատելու ճկունություն,
  • մեծ ռիթմիկ թիմին ինտեգրվելու պատրաստակամություն,
  • խմբային աշխատանքի ունակություն և պատրաստակամություն,
  • աշխատանքի էթիկական բարձր չափորոշիչների պահպանում. ազնվություն, նվիրվածություն և պատասխանատվություն, նորարար մտածողություն, գաղտնիության պահպանում և քաղաքական չեզոքություն:

 

ՀԱՅՏԵՐԻ ԸՆԴՈՒՆՄԱՆ ՍԿԻԶԲ`  04.05.2020
ՀԱՅՏԵՐԻ ԸՆԴՈՒՆՄԱՆ ՎԵՐՋՆԱԺԱՄԿԵՏ` 22.05.2020

 

ԴԻՄԵԼՈՒ ԿԱՐԳԸ` Ձեր ինքնակենսագրությունը (CV) ուղարկեք [email protected] էլ. հասցեով` նշելով հաստիքը. «Վաճառքի և շուկայի զարգացման բաժնի ղեկավար»: Մենք շնորհակալ ենք հետաքրքրված բոլոր անձանց, այնուամենայնիվ՝ հարցազրույցի կհրավիրվեն միայն նախնական ընտրություն անցած թեկնածուները:

 

 

 

ՊԱՇՏՈՆ` Մարքեթինգի և PR բաժնի ղեկավար

ԱՇԽԱՏԱՆՔԻ ՏԵՍԱԿԸ` Մեկ լրիվ դրույք  

ՏԵՎՈՂՈՒԹՅՈՒՆ` Մշտական    

ՎԱՅՐ` Երևան 

 

ԱՇԽԱՏԱՆՔԻ ՆԿԱՐԱԳՐՈՒԹՅՈՒՆ`

 

Մարքեթինգի և PR բաժնի ղեկավարը պատասխանատու է Ընկերության մարքեթինգային ռազմավարության մշակման և իրականացման, բրենդի ու ծառայությունների ճանաչողության բարձրացման և բարի համբավի պահպանման համար։ Նա ղեկավարելու է Մարքեթինգի և PR բաժնի աշխատանքը, հաշվետու է լինելու Ընկերության Թվային պրոդուկտների և ծառայությունների զարգացման տնօրենին։

 

ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ`

 

  • մշակել, զարգացնել և իրականացնել Ընկերության մարքեթինգային ռազմավարության, այդ թվում գովազդային արշավներ՝ ըստ շուկայի համապատասխան հատվածների և թիրախային խմբերի,
  • մշակել սոցիալական հարթակներում (Instagram, Facebook, YouTube և այլն) Ընկերության բրենդի և ծառայությունների առաջխաղացման ռազմավարությունը,
  • իրականացնել Ընկերության ընթացիկ գործունեության, Telcell Wallet-ի գործառնման, պաշտոնական կայքի և սոցիալական ցանցերի աուդիտ,
  • մշակել Ընկերության մարքեթինգային ռազմավարության բյուջետավորում, ներառյալ՝ գովազդային արշավները SMM և թվային հարթակներում,
  • իրականացնել տեղեկատվական հոսքի մշտադիտարկում, բացահայտել բացասական բովանդակությունը և կազմակերպել դրա հիմքերի չեզոքացման գործընթաց,
  • կազմակերպել, հետևել և վերլուծել իրականացվող մարքեթինգային միջոցառումների արդյունավետությունն ու հետագա զարգացման հնարավորությունները,
  • իրականացնել մրցակիցների գործունեության համեմատական վերլուծություն,
  • մշակել կրեատիվ հայեցակարգ,
  • անհրաժեշտության դեպքում մասնակցել բաժնի անձնակազմի համալրման գործընթացին, կազմակերպել և ուղղորդել  նոր աշխատակիցների աշխատանքը,
  • սահմանել թվային KPI-ներ` ողջ բաժնի համար, ու հետևել դրանց իրացմանը,
  • կազմակերպել աութսորս աշխատակիցների (հեղինակներ, դիզայներներ և այլն) աշխատանքը,
  • իրականացնել Զանգերի սպասարկման կենտրոնի գործունեության մարքեթինգային ասպեկտի հսկողություն,
  • աշխատել այլ բաժինների ղեկավարների հետ hամագործակցաբար,
  • անհրաժեշտության դեպքում ստանձնել օրենքներով և ներքին կանոնակարգերով նախատեսված այլ պարտավորություններ:

ԱՆՀՐԱԺԵՇՏ ՀՄՏՈՒԹՅՈՒՆՆԵՐ ԵՎ ՈՐԱԿԱՎՈՐՈՒՄՆԵՐ`

 

  • մարքեթինգի կամ հարակից ոլորտների բակալավրի կամ մագիստրոսի որակավորում,
  • սոցիալական մեդիա հարթակների գերազանց իմացություն, ինտերնետ մարքեթինգի և SEO հմտությունների տիրապետում,
  • մասնագիտական աշխատանքի առնվազն 3-4 տարվա փորձ,
  • նման պաշտոնի վարման առնվազն 2 տարվա փորձ,
  • հայերեն, ռուսերեն և անգլերեն լեզուների գրավոր ու բանավոր խոսքի տիրապետում,
  • համակարգչային գրագիտություն,
  • հաղորդակցման հմտություն, փոփոխությունների և հեղինակության կառավարման, մեդիա մարքեթինգի և հանրային կարծիքի ուսումնասիրման մեթոդների ու տերմինաբանության իմացություն,
  • ժամանակային սուղ պայմաններում միաժամանակ մի քանի ուղղությամբ աշխատելու ճկունություն,
  • մեծ ռիթմիկ թիմին ինտեգրվելու պատրաստակամություն,
  • խմբային աշխատանքի ունակություն և պատրաստակամություն,
  • աշխատանքի էթիկական բարձր չափորոշիչների պահպանում. ազնվություն, նվիրվածություն և պատասխանատվություն, նորարար մտածողություն, գաղտնիության պահպանում և քաղաքական չեզոքություն:

ՀԱՅՏԵՐԻ ԸՆԴՈՒՆՄԱՆ ՍԿԻԶԲ`  01.05.2020
ՀԱՅՏԵՐԻ ԸՆԴՈՒՆՄԱՆ ՎԵՐՋՆԱԺԱՄԿԵՏ` 22.05.2020

 

ԴԻՄԵԼՈՒ ԿԱՐԳԸ` Ձեր ինքնակենսագրությունը (CV) ուղարկեք [email protected] էլ. հասցեով` նշելով հաստիքը. «Մարքեթինգի և PR բաժնի ղեկավար»: Մենք շնորհակալ ենք հետաքրքրված բոլոր անձանց, այնուամենայնիվ՝ հարցազրույցի կհրավիրվեն միայն նախնական ընտրություն անցած թեկնածուները: